ВО ИЗРАЕЛ ИМА ЗАГИНАТИ – ИРАН ВО ОДМАЗНИЧКА ОФАНЗИВА: Ова е најсериозниот директен судир во последните неколку години

Добивај вести на Viber

Според соопштението на израелската служба за итни случаи Маген Давид Адом, две лица се убиени, а 19 се ранети во ирански ракетен напад што погоди област во близина на станбени згради во Ришон Лезион, јужно од Тел Авив. Претходно беше објавено дека едно лице го загубило животот.

Третата жртва е жена која почина откако беше погодена од парче ракета за време на претходниот бран ирански напади синоќа. Полицијата соопшти дека таа била прогласена за мртва на местото на настанот во градот Рамат Ган, источно од Тел Авив.

„Дожд “од ракети  врз центарот на Тел Авив

Иран потврди синоќа дека извршил ракетен напад врз Израел и рече дека е погодено „срцето на Тел Авив“. Како што објави синоќа агенцијата Тансим, која е поврзана со Иранската револуционерна гарда, иранските ракети го погодиле центарот на Тел Авив, а целите на нападот биле Министерството за војна и Министерството за безбедност.

Сирени се огласија низ Израел синоќа откако беше откриен голем ирански балистички ракетен напад, а експлозии и чад се слушнаа над Тел Авив откакоо ракета го погодила подрачјето, објавува Times of Israel.

Иако Израел може да се пофали со еден од најсовремените одбранбени системи, нтиракетениот систем наречен „Железна купола“, тој не успеа да ги запре сите ирански ракети синоќа, а балистичките ракети паднаа во самиот центар на Тел Авив.

Што се случи вчера?

Израел изврши напади врз ирански воени и нуклеарни цели низ Иран, вклучувајќи објекти во Техеран, Исфахан и Тебриз, при што загинаа високи функционери и нуклеарни научници.

Иран одговори со лансирање балистички ракети врз Израел. Ова е најсериозниот директен судир меѓу Израел и Иран во последните години.